शिर्डी : इंग्लंडच्या ‘वर्ल्‍ड बुक ऑफ रेकॉर्ड्स’ या जागतिक दर्जाच्‍या संस्‍थेने सर्वाधिक लोकांनी भेटी दिलेले स्‍थान आणि सर्वाधिक धार्मिक सेवा देणाऱ्या स्‍थानांच्‍या वर्गवारीत येथील श्री साईबाबा संस्थान विश्‍वस्‍त व्‍यवस्थेची जागतिक स्तरावर नोंद केली आहे. याबाबतचे प्रमाणपत्र या संस्‍थेचे समन्‍वयक विक्रम त्रिवेदी यांनी श्री साईबाबा संस्थानच्या मुख्‍य कार्यकारी अधिकारी रुबल अग्रवाल यांच्‍याकडे नुकतेच सुपूर्द केले.
या प्रसंगी उपजिल्‍हाधिकारी धनंजय निकम, उप कार्यकारी अधिकारी डॉ. संदीप आहेर, श्री साईबाबा हॉस्पिटलचे वैद्यकीय संचालक डॉ. मुरंबीकर, उप वैद्यकीय संचालक डॉ. विजय नरोडे व वैद्यकीय अधीक्षिका मैथिली पितांबरे आदी उपस्थित होते.
या सन्‍मानाबद्दल अग्रवाल यांच्‍या हस्‍ते त्रिवेदी यांचा सत्‍कार करण्‍यात आला.
